Idman.biz
Çempionlar Liqasının 1/8 final mərhələsinin "Tottenhem" (İngiltərə) və "Atletiko Madrid" (İspaniya) komandaları arasında keçirilən ikinci oyun londonluların 3:2 hesablı qələbəsi ilə başa çatıb. Matç Londondakı "Tottenhem Hotspur" stadionunda keçirilib.
30-cu dəqiqədə Randal Kolo Muani hesabı açaraq londonlulara üstünlük qazandırıb. 47-ci dəqiqədə Xulian Alvares "Atletiko"nun bərabərlik qolunu vurub. 52-ci dəqiqədə Xavi Simons "Tottenhem"i irəli çıxarıb. 75-ci dəqiqədə David Qansko hesabı bərabərləşdirib. 90-cı dəqiqədə Simons penaltidən ikinci qolunu vurub.
İlk oyunda "Atletiko Madrid" "Tottenhem"i 5-2 hesabı ilə məğlub edib. Turnirin növbəti mərhələsində "Atletiko" "Barselona" ilə qarşılaşacaq.
"Bavariya" (Almaniya) və "Atalanta" (İtaliya) arasında 2025/2026 mövsümünün Çempionlar Liqasının 1/8 final mərhələsinin ikinci oyunu başa çatıb. "Münhen Arena"da keçirilən oyun Almaniya komandasının 4:1 hesablı qələbəsi ilə bitib.
Münhenlilərin hücumçusu Harri Keyn 25-ci dəqiqədə hesabı açıb. Keyn 54-cü dəqiqədə ikinci qolunu vurub. Yarımmüdafiəçi Karl Lenart 56-cı dəqiqədə "Atalanta"nın qapısına üçüncü qolu vurub. Yarımmüdafiəçi Luis Dias 70-ci dəqiqədə İtaliya klubuna qapısına dördüncü qolu vurub. "Atalanta"nın yarımmüdafiəçisi Lazar Samarciç 85-ci dəqiqədə fərqi azaldıb.
İlk oyunda "Bavariya" "Atalanta"nı 6:1 hesabı ilə darmadağın etmişdi. "Bavariya" dörddəbir finala vəsiqə qazanıb.
"Liverpul" və "Qalatasaray" arasında 2025/26 mövsümü UEFA Çempionlar Liqasının 1/8 finalının ikinci oyunu başa çatıb. Liverpuldakı "Enfild" stadionunda keçirilən oyun ev sahibi komandanın 4:0 hesablı qələbəsi ilə bitib.
"Liverpul"un yarımmüdafiəçisi Dominik Soboslai 25-ci dəqiqədə hesabı açıb. Uqo Ekitike 51-ci dəqiqədə ev sahibi komandanın üstünlüyünü ikiqat artırıb. Rayan Qravenberx 53-cü dəqiqədə "Qalatasaray"ın qapısına üçüncü qolu vurub. Məhəmməd Salah 62-ci dəqiqədə yekun hesabı müəyyən edib.
Türkiyə komandası ilk oyunda 1:0 hesabı ilə qalib gəlmişdi. "Liverpul" dörddəbir finala vəsiqə qazanıb.
23:43
Çempionlar Liqasının 1/8 finalının ikinci oyununda "Barselona" "Nyukasl"la qalib gəlib.
İdman.Biz-in məlumatına görə, qarşılaşma 7:2 hesabı ilə bitib.
Matç 6-cı dəqiqədə Rafinyanın sürətli qolu ilə başlayıb. Antoni Elanqa tezliklə hesabı bərabərləşdirib, lakin Mark Bernal ev sahiblərini yenidən irəli çıxarıb. Elanqa 28-ci dəqiqədə iki qol vuraraq hesabı bərabərləşdirib. 45+7-ci dəqiqədə Lamin Yamal penaltidən Kataloniya klubunu irəli çıxarıb. Fermin Lopes 51-ci dəqiqədə hesab arasındakı fərqi artırıb. Bundan Robert Levandovski 56 və 61-ci dəqiqələrdə iki qol vurub. 72-ci dəqiqədə Rafinya matçda ikinci qoluna imza atıb.
İki komanda arasındakı ilk görüş 1:1 hesablı heç-heçə ilə başa çatıb. Beləliklə, İspaniya klubu 1/4 finala vəsiqə qazanıb.
09:32
Bu gün UEFA Çempionlar Liqasında 1/4 finala vəsiqə qazanacaq daha dörd komanda bəlli olacaq.
İdman.Biz xəbər verir ki, 1/8 final mərhələsinin cavab oyunları çərçivəsində daha dörd görüş baş tutacaq.
Bu gün baş tutacaq qarşılaşmaların siyahısını təqdim edirik:
UEFA Çempionlar Liqası
1/8 final, cavab oyunları
21:45. "Barselona" (İspaniya) - "Nyukasl" (İngiltərə)
İlk oyun - 1:1
23:59. "Liverpul" (İngiltərə) - "Qalatasaray" (Türkiyə)
İlk oyun - 0:1
23:59. "Bavariya" (Almaniya) - "Atalanta" (İtaliya)
İlk oyun - 6:1
23:59. "Tottenhem" (İngiltərə) - "Atletiko" (İspaniya)
İlk oyun - 2:5
