Sport24.az
Bolqarıstan çempionatında 33-cü turun oyunları keçirilir. Sport24.az xəbər verir ki, Azərbaycan milli komandasının üzvü Cəlal Hüseynovun çıxış etdiyi "Arda" səfərdə Plovdiv "Lokomotiv"inin qonağı olub.
Matç meydan sahiblərinin qələbəsi ilə başa çatıb.
"Lokomotiv" (Plovdiv) - "Arda" - 2:0
Qollar: İdriz, 55, Zvarts 81
Cəlal Hüseynov da bu matçın iştirakçısı olub. Meydana start heyətində çıxan həmyerlimiz görüşü əvəzolunmadan keçirib. O, 88-ci dəqiqədə sarı vərəqə ilə cəzalanıb.
Qeyd edək ki, hazırda "Arda" 45 xalla 7-ci, "Lokomotiv" isə 52 xalla 5-cidir.
