Idman.biz
Amerikalı sahibkar, investor və internet şirkəti "Amazon2un təsisçisi Ceff Bezos "Liverpul"un səhmlərinin təxminən 30%-ni əldə edən investisiya qrupuna qoşulacaq.
İdman.Biz bu barədə Sky News-a istinadən xəbər verir.
Mənbəyə görə, sövdələşmə "Queens Park Rangers"in keçmiş həmtəsisçisi və milyarder Lakshmi Mittalın kürəkəni Amit Bhatianın rəhbərlik etdiyi konsorsium tərəfindən tamamlanır. İnvestisiya həcmi 2 milyard dollar olacaq və bu da klubun müqavilə çərçivəsində ümumi dəyərini 6 milyard dollara çatdıracaq. Sazişin rəsmi elanı bu həftənin əvvəlində dərc oluna bilər.
"Liverpul" hazırda Con Henrinin rəhbərlik etdiyi "Fenway Sports Group"a (FSG) məxsusdur: klub 2010-cu ildə 300 milyon funt sterlinqə (405 milyon dollar) alınıb. FSG-nin rəhbərliyi altında komanda İngiltərə Premyer Liqası və UEFA Çempionlar Liqası titulları da daxil olmaqla, böyük kuboklar qazanıb.
