Idman.biz
Sport News Africa-nın verdiyi məlumata görə, Burundinin ikinci divizion klubu "Guepie-du-Lac"ın yarımmüdafiəçisi İgiraneze Aymé Geriku, "Amassipiri" ilə matç zamanı dəmir pul udaraq boğulub.
İdman.Biz bildirir ki, matç zamanı futbolçu yerə yıxılıb.
Tibb işçiləri ilk tibbi yardım göstərməyə çalışıblar, lakin o, xəstəxanaya aparılarkən yolda ölüb. Burundi Futbol Federasiyası hadisə ilə bağlı açıqlama verərək, faciənin dəqiq səbəbini göstərmədən İgiranezenin ailəsinə və dostlarına başsağlığı verib.
Mənbəyə görə, sikkə Burundidə geniş yayıldığı deyilən cadugərliklə bağlı müəyyən xurafat inancları ilə əlaqəli ola bilər. Oyunçu ölkədə geniş yayılmış cadugərlik ritualının bir hissəsi olaraq ağzına dəmir pul qoyub.
