İdman.biz
Marko Roys mövsümün sonunda Dortmund "Borussiya"sından ayrılacaq.
İdman.biz xəbər verir ki, bu barədə klubun mətbuat xidməti məlumat yayıb.
2012-ci ildən "sarı-qaralar"ın şərəfini qoruyan 34 yaşlı yarımmüdafiəçi bu qərarı verməyin çətin olduğunu deyib: "Vidalaşmaq çətin olacaq. Biz bütün diqqətimizi qarşıda olan vacib final oyunlarına cəmləyə bilərik. Böyük məqsədimiz var, hamımız birlikdə buna nail olmaq istəyirik".
Qeyd edək ki, Roys "Borussiya" forması ilə 3 dəfə Almaniya Superkubokunu, 2 dəfə ölkə kubokunu qazanıb.
İdman.biz
