Sport24.az
"Beşiktaş" "Liverpul"un hücumçusu Federiko Kyezanın transferində maraqlıdır. Sport24.az xəbər verir ki, bu barədə insayder Fabrisio Romano məlumat yayıb.
Mənbənin sözlərinə görə, Türkiyə klubu 27 yaşlı italiyalının "Beşiktaş"a mümkün transferi ilə bağlı mövqeyini öyrənmək üçün onunla əlaqə saxlamağa çalışıb. Bundan əlavə, "qırmızılar" vingeri icarəyə verməyə hazır olmadığı və yalnız Kyezanın tam transferi təklifini nəzərdən keçirəcəyi bildirilir.
Qeyd edək ki, Kyeza 2024-cü ilin avqustunda "Yuventus"dan "Liverpul"a keçib. Bu müddət ərzində futbolçu bütün yarışlarda 17 oyuna çıxıb, 3 qol vurub və 2 məhsuldar ötürmə edib. Onun klubla müqaviləsi 2028-ci ilin iyunun sonuna kimidir. "Transfermarkt" portalı oyunçunun dəyərini 14 milyon avro qiymətləndirir.
