Sport24.az
"Əl-İttihad"ın fransalı hücumçusu Kərim Benzema gələcəkdə "Real"a qayıtmaq ehtimalını istisna etməyib. Sport24.az xəbər verir ki, futbolçu bununla bağlı "AS" nəşrinə açıqlama verib:
"Real"a mümkün qayıdış? Əgər Florentino orada olsa, bu baş verə bilər. Peresə heç vaxt "yox" deməzdim. Mən "Real"ın azarkeşiyəm, bunu ürəyimdə hiss edirəm. Madrid hələ də mənim şəhərimdir, görək nə olacaq".
Qeyd edək ki, 37 yaşlı futbolçu 2009-cu ildən 2023-cü ilə qədər "Real"ın formasını geyinib. Bu müddət ərzində o, dörd dəfə İspaniya Liqasını, üç dəfə İspaniya Kubokunu və beş dəfə Çempionlar Liqasını qazanıb. 2022-ci ildə isə "Qızıl top" mükafatının sahibi olub. Benzema "Real"da 648 oyun keçirib və 354 qol vurub.
