Report.az
"Baku Fire" iki braziliyalı futzalçı ilə anlaşıb.
"Report" Futzal Federasiyasının mətbuat xidmətinə istinadən xəbər verir ki, Paulo Henrike Alves de Souza və Henrike Suares Qimaraeş yaya qədər karyerasını paytaxt təmsilçisində davam etdirəcək.
22 yaşlı futzalçılardan Paulo hücumçu, Qimaraeş isə müdadfiəçidir. P.Henrike sonuncu dəfə vətənində AABB, Henrike Suares isə "ADİ İndaiatuba" klubunda çıxış edib.
Əvəzində Amadeu komandadan ayrılıb. O, karyerasını Braziliyanın "Marreko" klubunda davam etdirəcək.
Qeyd edək ki, "Baku Fire" 8 oyundan sonra 22 xalla turnir cədvəlinə başçılıq edir.
