Idman.biz
"Qarabağ" Azərbaycan Kubokunun 1/4 final mərhələsinin ilk oyununda "Şamaxı"ya uduzub.
İdman.Biz xəbər verir ki, Şamaxı şəhər stadionunda keçirilən oyun meydan sahiblərinin 2:1 hesablı qələbəsi ilə yekunlaşıb.
"Şamaxı"nın heyətində 27 və 42-ci dəqiqələrdə Karim Rossi fərqlənib. Qonaqlardan isə Musa Qurbanlı 79-cu dəqiqədə adını tabloya yazdırıb.
Tərəflər arasında cavab görüşü martın 3-də keçiriləcək.
Qeyd edək ki, günün növbəti matçında "Turan Tovuz" və "Kəpəz" komandaları üz-üzə gələcək. "Azersun Arena"da baş tutacaq görüş saat 19:00-da start götürəcək.
09:24
Bu gün Bizon Azərbaycan Kubokunda 1/4 final mərhələsinin ilk oyunlarına yekun vurulacaq.
İdman.Biz xəbər verir ki, günün ilk matçında "Şamaxı" doğma meydanda "Qarabağ"ı qəbul edəcək.
Baş hakim Kamranbəy Rəhimovun idarə edəcəyi görüş saat 14:30-da start götürəcək.
Bizon Azərbaycan Kuboku
1/4 final, ilk oyunlar
5 fevral
14:30. "Şamaxı" - "Qarabağ"
Hakimlər: Kamranbəy Rəhimov, Rahil Ramazanov, Tərlan Talıbzadə, Murad Səlimov.
VAR: Rauf Cabarov.
AVAR: Emin Əliyev.
Hakim-inspektor: Anar Salmanov.
AFFA nümayəndəsi: Məmmədəli Məmmədov.
Şamaxı şəhər stadionu
Qeyd edək ki, 1/4 final mərhələsinin cavab matçları martın əvvəlində baş tutacaq.
