Sport24.az
"Fuhem"in yarımmüdafiəçi Harri Uilson Premyer Liqada klubunu dəyişə bilər. Sport24.az xəbər verir ki, "Aston Villa" uesli futbolçunu transfer etmək istəyir.
Bu barədə insayder Fabrisio Romano sosial media hesabında məlumat yayıb.
Mənbənin sözlərinə görə, tərəflər arasında ilkin danışıqlar baş tutub. Lakin yekun qərarın qarşıdakı aylarda verilməsi planlaşdırılır. Bildirilib ki, futbolçu uğrunda mübarizə açıqdır və bir neçə klub onun vəziyyətini yaxından izləyir.
Qeyd edək ki, "Fulhem" Harri Uilsonu 2021-ci ilin yayında "Liverpul"dan transfer edib. Uels millisinin üzvü bu mövsüm London təmsilçisinin heyətində meydana çıxdığı 32 rəsmi matçda 10 qol və 7 məhsuldar ötürmə ilə yadda qalıb.
