Idman.biz
İngiltərənin "Arsenal" futbol komandası müdafiə xəttini "Tottenhem"in kapitanı Kristian Romero ilə gücləndirə bilər.
İdman.Biz "Sky Sports"a istinadən xəbər verir ki, Britaniya mətbuatının məlumatına görə, argentinalı müdafiəçi "Arsenal"a keçməyə qarşı deyil. Lakin "Tottenhem" rəhbərliyi 28 yaşlı futbolçunun Şimali London rəqibinə satılmasını istəmir.
"Arsenal" yay transfer pəncərəsində mərkəz müdafiəçisi axtarışlarını davam etdirir. London klubu daha əvvəl Romero variantını nəzərdən keçirib.
"Tottenhem" isə əsas futbolçularından birini birbaşa rəqibinə buraxmamaq mövqeyindədir. Buna görə mümkün transferin reallaşması asan görünmür.
Qeyd edək ki, Romero Argentina millisinin də üzvüdür.
