Sport24.az
"I Liqada çıxış edə biləcəyimizlə bağlı bağlı lisenziya verildi. Amma bu o demək deyil ki, çempionatda yerimizi qorumuşuq və əlimizi-qolumuzu sallamalıyıq. Hamı üçün mövsüm bitsə də, bizim üçün davam edir. Bir neçə gündü məşqlərimizi bərpa etmişik. Qarşıda bizi "Cəbrayıl" ilə ağır pley-off oyunları gözləyir". Bu sözləri Sport24.az-a açıqlamasında "Araz Saatlı"nın prezidenti Ədalət Abdullayev deyib.
Bütün diqqətlərini qarşıdakı pley-off matçlarına yönəltdiklərini bildirən klub prezidenti, sponsor məsələsinə də toxunub: "Hazırda ancaq "Cəbrayıl" ilə oyunları düşünürük. Pley-off səddini keçəndən sonra gələn mövsümlə bağlı planlar qurmaq olar. Sponsor məsələsinə gəlincə, axtarışlarımız davam edir. Amma reallıq odur ki, imkanlı iş adamları üçün cəlbedici deyilik. Əslində tək biz yox, ümumiyyətlə, Azərbaycan futbolu eyni problemi yaşayır".
Qeyd edək ki, Saatlı təmsilçisi başa çatan mövsümdə I Liqada sonuncu olsa da, "İrəvan"ın çempionatdan kənarlaşdırılmasından sonra pley-off oynamaq şansı qazanıb. Həlledici qarşılaşmda onların rəqibi II Liqanın gümüş mükafatçısı "Cəbrayıl" olacaq.
ABDULLA İSMAYILOĞLU
