Idman.biz
Afrika Millətlər Kubokunda Burkina-Faso millisi Ekvatorial Qvineya ilə oyunda dramatik geri dönüşə imza atıb.
İdman.Biz xəbər verir ki, komanda 90+5-ci dəqiqədə 0:1 hesabı ilə geridə olsa da, final fitinə qədər iki dəfə fərqlənərək matçı çevirməyi bacarıb. Qələbə qolunu isə bir gözünü itirmiş futbolçu vurub.
Corci Minunqu iki il əvvəl infeksiya səbəbindən sol gözünü itirib. Həkimlər ona bir daha futbol oynaya bilməyəcəyini söyləmişdilər. Buna baxmayaraq o, ölkəsinə unudulmaz qələbə bəxş edib.
Futbolçu qarşılaşmadan sonra belə deyib:
"Bu mənə ümumiyyətlə təsir etmir. Sol gözüm görmür, amma mən hər iki gözü görənlərdən daha yaxşı oynaya bilirəm. Mənim mentalitetim belədir".
