AFFA-nın baş katibi Sərxan Hacıyev Premyer Liqada həftəsonu keçiriləcək 1 və ya 2 oyunda VAR-da əcnəbi hakimlərin olacağını təsdiqləyib. Sport24.az xəbər verir ki, qurum rəsmisi bununla bağlı "CBC Sport"da yayımlanan "Bizim futbol" verilişində danışıb.
Hacıyev bildirib ki, avrokuboklar zonasında gərgin mübarizənin getdiyini nəzərə alaraq AFFA belə addım atıb: "Qərara alınıb ki, hansısa fors-major hadisə olmayacağı təqdirdə ilk dəfə, həftəsonu keçiriləcək 1 və ya 2 oyunda əcnəbi VAR hakimi olsun. Belə təcrübə VAR-la bağlı ilk dəfə həyata keçiriləcək. Bu günədək əcnəbi VAR hakimi Premyer Liqada hansısa oyuna təyinat almayıb. Bunun da matçlara müsbət təsir edəcəyini düşünürəm. Nəzərə alsaq ki, çempionatın bitməsinə 2 tur qalıb. Həlledici oyunlar var".
O, VAR hakimlərinin hansı ölkədən olacağı ilə bağlı bu dəqiqə açıqlama verə bilməyəcəklərini də söyləyib: "Güman edirik ki, turdan bir gün öncə açıqlansın"