Sport24.az
"Gözlədiyim kimi çox yaxşı oyun alındı. Rumıniya mətbuatına açıqlamamda qarşılaşmanın 2:2 və ya 3:3 hesablı heç-heçə ilə başa çatacağını demişdim. Bu proqnozum gerçəkləşməyə yaxın oldu".
Bunu Sport24.az-a açıqlamasında "Xəzər Lənkəran"ın sabiq futbolçusu Adrian Skarlatake deyib.
38 yaşlı rumıniyalı keçmiş oyunçu ötən gün Bakıda keçirilmiş "Qarabağ" - FCSB matçı haqqında fikirlərini bölüşüb.
"Qarabağ" rəqibindən daha yaxşı oynadı və heç də məğlubiyyətə layiq deyildi. Sadəcə olaraq FCSB-nin bəxti gətirdi. Komanda künc zərbələrində həmişə təhlükə yarada bilir, bu dəfə qollar vurdular. Ədalətli nəticə heç-heçə və ya "Qarabağ"ın qələbəsi olardı. Amma bu, futboldur. FCSB daha ağıllı oyun sərgiləyən tərəf idi".
Qeyd edək ki, görüş Rumıniya klununun 3:2 hesablı qələbəsilə başa çatıb.
