Sport24.az
Florentino Peres yenidən İspaniyanın "Real" klubunun prezidenti seçilib. Sport24.az xəbər verir ki, bu barədə komandanın mətbuat xidməti məlumat yayıb.
Funksioner seçkilərdə yeganə namizəd olub. O, bu vəzifəni 2029-cu ilədək tutacaq.
77 yaşlı Peres ilk dəfə 2000-ci ildə "Real"ın prezidenti olub və altı il bu vəzifədə çalışıb. 2009-cu ildə alternativsiz olaraq yeni müddətə seçilib. Onun rəhbərliyi dövründə klub Çempionlar Liqasını, İspaniya çempionatını və İspaniya Superkubokunu yeddi dəfə, UEFA Superkubokunu altı dəfə, klublararası dünya çempionatını beş dəfə, İspaniya Kubokunu üç dəfə və Qitələrarası Kuboku iki dəfə qazanıb.
