Lent.az
Fransa milli komandası 2026-cı il Dünya çempionatında bütün iştirakçılar arasında oyunçu transferinin ümumi dəyəri baxımından ən bahalı komandaların reytinqində birinci yeri tutub.
Lent.az bildirir ki, bu məlumatları iyunun 11-də Meksikada başlayacaq turnirdən əvvəl "The Touchline" yayıb.
Hesablamalara görə, Fransa milli komandasının oyunçularının ümumi dəyəri 1,47 milyard avroya çatır.
Bu göstərici onları siyahıda birinci yerə çıxarıb. İkinci yeri heyətinin dəyəri 1,32 milyard avro olan İngiltərə millisi tutur.
İlk üçlüyü İspaniya 1,27 milyard avroluq ümumi oyunçu dəyəri ilə tamamlayır.
2026-cı il Dünya çempionatı 11 iyun - 19 iyul tarixlərində keçiriləcək. Tarixdə ilk dəfə olaraq turnirə üç ölkə - ABŞ, Kanada və Meksika birgə ev sahibliyi edəcək.
Qarşıdan gələn Dünya çempionatı həmçinin 48 milli komandanın iştirak edəcəyi ilk turnir olacaq.
Açılış oyunu iyunun 11-də Meksika və Cənubi Afrikanın qarşılaşacağı Mexiko şəhərindəki "Atsteka" stadionunda keçiriləcək.
Argentina hazırkı dünya çempionudur.
