Idman.biz
"Red Bull" komandasının yaponiyalı pilotu Yuki Tsunoda İtaliya Qran Prisi öncəsi əhval-ruhiyyəsindən danışıb.
İdman.biz bildirir ki, Tsunoda Monzaya çox inamlı gələcəyini deyib.
"Mənim üçün bu raund ev yarışı kimidir. Komanda artıq məndən onlara bir neçə tövsiyə verməyi xahiş edib. Yarış həftəsonu başlamazdan əvvəl mexaniklərdən ibarət komandamı pitseriyaya aparacağam", - pilot bildirib.
Onun sözlərinə görə, Monza təqvimdəki klassik treklərdən biridir.
"Hər bir sürücü yerli yarışı səbirsizliklə gözləyir. Biz hər raund ərzində irəliləyiş göstərdik və maşını və tempi təkmilləşdirmək üzərində işləməyə davam edəcəyik. Ümid edirik ki, mövsümün Avropa hissəsi ilə müsbət mənada vidalaşacağıq", - Tsunoda deyib.
İdman.biz
