Idman.biz
Yeddiqat Formula 1 çempionu və "Ferrari" pilotu Lyuis Hemilton "MotoGP" çempionatında komanda almağı düşünür.
İdman.biz bildirir ki, qərar Liberty Media tərəfindən çempionatın alınmasından sonra seriyanın gözlənilən yüksəlişi ilə bağlıdır. "Autosport"un məlumatına görə, Hemilton satışa çıxarıla biləcək dörd komandanı öyrənir.
"Hemilton və Maks Ferstappeni təmsil edən tərəflər onları əldə etməkdə maraqlı olduqlarını bildirmək üçün bütün özəl komandalarla əlaqə saxlayıblar", - komandalardan birinin direktoru deyib.
Bundan əvvəl Maks Ferstappen "MotoGP"də komanda almaqda maraqlı olduğunu bildirmişdi.
Hazırda "Tech3" ilə müqavilə istisna edilir və "Honda", "Yamaha", "Dukati", "KTM" və "Aprila" zavod komandaları isə satılmır. Formula 1-də "Kadillak" komandasının sahibi olan "TWG Motorsports", Hemiltonun "MotoGP"yə daxil olmaq niyyətini dəstəkləyir.
İdman.biz
