Idman.biz
"Ferrari" pilotu, yeddiqat Formula 1 çempionu Lyuis Hemilton Niderland Qran Prisindən sonra arzuolunmaz rekorda imza atıb.
İdman.biz-in məlumatına görə, britaniyalı artıq ardıcıl 15 yarışı ilk üçlükdə başa vura bilməyib və bu, İtaliyanın əfsanəvi komandasının pilotları arasında yeni antirekorddur.
Əvvəlki rekord "Ferrari"nin heyətində 14 yarışı podiumsuz başa vuran italiyalı İvan Kapelliyə məxsus idi. İndi bu siyahıya Hamilton başçılıq edir.
2025-ci il mövsümünün 15 mərhələsindən sonra yeddiqat dünya çempionu pilotların sıralamasında altıncıdır. Çətinliklərə baxmayaraq, onun uğursuz seriyaya son vermək və podiuma yüksəlmək şansı hələ də var.
Xatırladaq ki, Lyuis Hemilton 2018-ci ildə "Mersedes" komandasının tərkibində Formula 1 Azərbaycan Qran Prisinin qalibi olub.
İdman.biz
