Lando Norris: Daxilmdəki səs məni çempionluq yolunda kifayət qədər yaxşı olmadığıma inandırırdı

"McLaren"in pilotu Lando Norris karyerasında ilk çempionluq titulunu qazandığı "Formula 1" 2025-ci il mövsümü haqqında danışıb.

İdman.Biz xəbər verir ki, Norris BBC-yə müsahibəsində onu çempionluğa aparan yoldan bəhs edib.

"Bəzən özümə o qədər də güvənmirdim. Elə vaxtlar olurdu ki, Oskar məndən daha yaxşı çıxış edirdi, məndə isə o qədər də alınmırdı. Zamanla düşünürdüm ki, bəlkə də onlar məndən daha yaxşıdırlar, bəlkə də məndən daha sabit olmağa qadirdirlər, maşından daha çox şey əldə edə bilərlər. Bəzən qalib gəlməyin sadəcə mümkün olmadığını düşünürdüm. Mən səhv etdiyimi, bunu edə biləcəyimi sübut etməli idim. Özümü eqoist adam adlandırmazdım, amma belə olmaq lazım gəldiyini başa düşdüm. Daha yaxşı və güclü olmaq üçün buna ehtiyacım var.

Mövsümün əvvəlində maşından maksimum dərəcədə faydalana bilmirdim, çünki keçən illə müqayisədə çox dəyişmişdi. İçimdəki bir şey mənə kifayət qədər yaxşı olmadığımı deyirdi.

"Formula-1"də çox şey görmüş Andrea Stella mənə kömək etdi. O, mənə dedi ki, başqalarından daha çox şey tələb etməli, bu və ya digər şeyə daha çox ehtiyacın olduğunu deməli, onlardan kömək istəməlisən. Öhdəsindən gələ bilmədiyim o anlarda bu, sadəcə ağlıma gəlmirdi. Həmişə öz-özümdən niyə alınmadığını soruşurdum. Belə anlarda çox məyus olurdum. Çempionluq şansımın olduğunu bilirdim və əgər bir şey alınmasa, sadəcə təslim ola bilməzdim. Bu, çox xoşagəlməz hissdir və bir anda mənfi spirala çevrildi. Daha effektiv mental yanaşmaya nail olmaq üçün "Formula-1"dən kənardakı insanlarla çox çalışdım. Və bu, mənə istədiyim kimi sürməyə kömək etdi. Bu məni təkcə daha sürətli etmədi, sadəcə mənə həqiqətən bacardığım şəkildə sürməyə imkan verdi", - Norris bildirib.

İdman.Biz