Idman.biz
"Racing Bull"un fransalı pilotu İsak Hacar ilk "Formula-1" podiumuna münasibətini bölüşüb.
İdman.biz bildirir ki, Niderland Qran-prisində Hacar üçüncü yeri tutaraq ilk dəfə fəxri kürsüyə yüksəlib.
"Həmin anda xüsusi bir şey hiss etmədim. Daha çox kartinq günlərimdən bəri səyahətim, "Formula-1"ə gəlməzdən əvvəl qarşılaşdığım bütün çətinliklər haqqında düşünürdüm. Bu barədə düşünürdüm.
Bu səviyyəyə çatmaq, burada olub fəxri kürsüdə dayanmaq mənə qeyri-mümkün görünürdü. Karyeramın lap əvvəlində bunu təsəvvür etmək olduqca çətin idi. Amma bu, arzu deyildi, məqsəd idi, mənim ilk podiumum. Mən buna nail oldum və biz davam edirik", - RMC Sport Hacarın sözlərini sitat gətirir.
İdman.biz
