Idman.biz
"Racing Bulls" komandasının pilotu İsak Hacar Niderland Qran Prisində podiuma qalxdıqdan sonra sınmış kuboku haqda danışıb.
"Düzünü desəm, mənim kubokumun, sınmış kubokumun harada olduğunu heç bilmirəm. Düşünürəm ki, komanda onu götürüb. Bəli, hər iki hissəni. Nə baş verdiyini bilmirəm, amma yenisini alacağam - bunu bilirəm. Amma qırılan kuboka ehtiyacım var. Sual odur ki, o, haradadır. Yenisinin əhəmiyyəti yoxdur - o, Qran Pri tariximin bir hissəsi deyil. Mənə sınmış kubok lazımdır. O podiuma gedən yolumun bir hissəsidir. Yenisi şampan iyi verməyəcək", - deyə Hacar bildirib.
İdman.biz bildirir ki, Hacar ilk kubokunu onunla ənənəvi komanda şəkli üçün poza verərkən qırıb. Fransız pilot qazandığı kuboku asfalt üzərinə qoyarkən onun aşağı hissəsi qəfildən qopub - yəqin ki, Hacar kuboku ən nazik hissəsindən tutduğuna görə.
Qeyd edək ki, Hacar Formula 1-də debüt mövsümünün mərhələlərindən birini ilk 3-lükdə başa vurmağı bacaran "Red Bull" junior proqramının ilk pilotu olub.
İdman.biz
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
