Idman.biz
Formula 1-in rəhbəri Stefano Domenikali əsas yarışlarda məsafənin qısaldıla biləcəyini istisna etməyib.
İdman.biz bildirir ki, hazırda bu məsafə 300 km-ə yaxındır.
"Mövcud yarışlar daha gənc tamaşaçılar üçün çox uzun görünə bilər. Biz kanallarımızın bir çoxunda maraqlı məqamların daha populyar olduğunu görürük. Hazırkı formatla böyüyənlər üçün hər şey əladır, lakin tamaşaçıların əhəmiyyətli bir hissəsi var ki, onlar yalnız əsas məqamları görmək istəyirlər.
Hazırda hər şey yaxşı gedir, amma məhz buna görə uğurlarımızla kifayətlənməməliyik. Biz növbəti addım haqqında düşünməliyik", - Domenikali bildirib.
İdman.biz
