Idman.biz
"RacingNews365", "Formula-1" komandalarının Konstruktorlar Kubokundakı mövqelərinə görə çempionatın ümumi gəlirindən bonus olaraq aldıqları məbləğləri hesablayıb.
İdman.Biz bildirir ki, 2025-ci ildə ümumi mükafat fondu 1,25 milyard dollar, "Formula-1"in ümumi gəliri isə 3,7 milyard dollar təşkil edib.
"McLaren" çempion olaraq ən böyük məbləğdə mükafat qazanıb və onların mükafat fondundan gəlirləri 176 milyon dollar təşkil edib.
Qeyd edək ki, mükafat fondu son bir ildə artıb: 2024 mövsümünün sonunda Konstruktorlar Çempionatının sahibi olan "McLaren" 161 milyon dollar qazanıb.
"Formula-1" komandalarının 2025-ci ildəki mükafat pulları:
1. McLaren — 176 milyon dollar
2. Mercedes — 164 milyon dollar
3. Red Bull — 152 milyon dollar
4. Ferrari — 141 milyon dollar
5. Williams — 130 milyon dollar
6. Racing Bulls — 119 milyon dollar
7. Aston Martin — 107 milyon dollar.
8. Haas - 96 milyon dollar
9. Kick-Sauber - 85 milyon dollar
10. Alpine - 75 milyon dollar.
