Idman.biz
Formula 1-in keçmiş rəhbəri Berni Ekklstoun "Kral Yarışları"nın cari mövsümünün favoritini açıqlayıb.
İdman.biz Ekklstounun ehtimalına görə, titulu avstraliyalı "McLaren" pilotu Oskar Piastri əldə edəcək.
"Üç yarışdan sonra avstraliyalının qalibiyyətinə əminəm! O, öz yolu ilə gedir - və düşüncə cəhətdən Lando Norrisdən qat-qat üstündür", - Ekklstoun bəyan edib.
Piastri hazırda 284 xalla pilotların ümumi sıralamasına başçılıq edir. Onun ikinci pillədə qərarlaşan komanda yoldaşı Lando Norrisin 275 xalı var. İlk üçlüyün sonuncusu ötənilki çempion, Red Bull-dan Maks Ferstappendir (187).
Qeyd edək ki, britaniyalı iş adamı Bernard Çarlz (Berni) Ekklstoun "Formula One Management" və "Formula 1 Administration"ın fəxri prezidentidir. 2017-ci ilin yanvarın 23-dək Formula 1-in rəhbəri olub.
İdman.biz
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
