Idman.biz
Avstraliyada keçirilən "MotoGP" üzrə dünya çempionatının Qran-prisi zamanı qeyri-adi hadisə yaşanıb. Kenqurunun yarış trasına çıxması səbəbindən məşq sessiyası müvəqqəti dayandırılıb.
İdman.Biz xəbər verir ki, hadisə Filipp-Aylend trasında baş verib. Heyvanın təhlükəli əraziyə daxil olmasından sonra təşkilatçılar qırmızı bayraq qaldıraraq sessiyanı dayandırıblar.
Bu, məşq zamanı ikinci fasilə olub. İlk dəfə sessiya italiyalı Marko Betsekki ilə ispaniyalı Aleks Markes arasında baş verən insidentə görə dayandırılıb. Motosikletlərin təması nəticəsində Betsekki yıxılıb, trasda qalan qırıntıların təmizlənməsi üçün qırmızı bayraq qaldırılıb.
Qəzaya baxmayaraq, "Aprilia" komandasının üzvü Betsekki məşqi ən yaxşı nəticə ilə başa vurub. O, trası 1 dəqiqə 26,775 saniyəyə qət edib.
İkinci yeri italiyalıdan 0,072 saniyə geri qalan Raul Fernandes tutub. İlk üçlüyü isə 0,126 saniyə fərqlə Mark Markes tamamlayıb.
Ay Oqura dördüncü, dünya çempionatının ümumi sıralamasına başçılıq edən Xorxe Martin isə beşinci nəticəni göstərib.
Qeyd edək ki, Avstraliya Qran-prisinin təsnifat mərhələsi və sprint yarışı oktyabrın 24-də, əsas yarış isə oktyabrın 25-də keçiriləcək.
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
