Report.az
İsveçrədə Beynəlxalq Velosipedçilər İttifaqının təşkil etdiyi məşqçilik kursunu uğurla bitirən Elgün Əlizadə növbəti illərdə daha yüksək səviyyələrə çatmaq istəyir.
Mütəxəssis bunu "Report"a açıqlamasında deyib.
O, İsveçrədə məşqçiliklə yanaşı, mexaniklik kursu da keçdiyini söyləyib:
"Aprelin 13-dən 24-nə qədər davam edən təlimlərdə ikinci dərəcəli məşqçilik kursunu müvəffəqiyyətlə bitirdim. Bundan əlavə, orada birinci dərəcəli mexaniklik kursunu da keçdim və sertifikat aldım".
O, növbəti hədəflərini də açıqlayıb:
"Hazırda məşqçi kimi məktəbdə çalışıram. Gələn il daha yuxarı səviyyəyə çatmaq, üçüncü dərəcəyə yiyələnmək istəyirəm. Ardınca isə səviyyəcə ən yüksək mərhələ gəlir. Bunun üçün uzun müddət lazımdır, lakin həmin mərhələyə doğru getməyə çalışıram".
Xatırladaq ki, E.Əlizadə İsveçrənin Eqle şəhərində keçirilən "UCI Level 2" məşqçilik kursunu bitirib.
