Report.az
İran Prezidenti Məsud Pezeşkian futbol üzrə 2026-cı il Dünya Çempionatına (DÇ-2026) yollanacaq yığma komandanın düşərgəsində olub və oyunçulara uğurlar arzulayıb.
"Report" xəbər verir ki, bu barədə SNNTV məlumat yayıb.
"Dua edirik ki, ləyaqətlə qayıdasınız, meydanda İranın şöhrəti üçün bütün gücünüzlə çıxış edin", - Pezeşkian bildirib.
Qeyd edək ki, 2026-cı ilin 28 fevralında ABŞ və İsrailin İrana hücumlarından sonra İslam Respublikasının DÇ-2026-ya yollanması sual altına düşüb, çünki mundialın oyunları ABŞ, Kanada və Meksikada təşkil olunacaq. İran komandası G qrupunda Belçika, Misir və Yeni Zelandiya üz-üzə gələcək. G qrupunun oyunlarının isə ABŞ-də keçirilməsi planlaşdırılıb.
Bu səbəbdən İran yığmasının oyunlarının Meksikada keçirilməsi barədə müzakirələr aparılırdı, lakin Meksika Prezidenti Klaudiya Şeynbaum bildirib ki, FIFA 2026-cı il dünya çempionatının qrup mərhələsində İran yığmasının iştirakı ilə keçiriləcək matçları ABŞ-dən Meksikaya köçürməmək qərarına gəlib.
Aprelin 30-da FIFA-nın rəhbəri Canni İnfantino da İran yığmasının oyunlarının ABŞ-də baş tutacağını açıqlayıb.
Bu il iyunun 11-dən iyulun 19-dək keçiriləcək DÇ-2026-ya ümumilikdə 48 komanda qatılacaq.
