Report.az
Yarışdan əvvəl çempionluq haqqında düşünmək insanda əlavə gərginlik yaradır.
Bunu "Report"a açıqlamasında Azərbaycan şahmatçısı Günay Məmmədzadə deyib.
Beynəlxalq qrosmeyster Gürcüstanın Batumi şəhərində keçiriləcək şahmat üzrə şəxsi Avropa çempionatındakı şanslarını dəyərləndirib:
"Daim iştirak etdiyim turnirdir və həmişəki rəqiblər olacaq. Ona görə də sadəcə gedib şahmat oynayacam və yarışdan zövq alacağam. Yaxşı oynamağa çalışacam, gedişatı isə zaman göstərəcək. Heç vaxt yarışdan əvvəl çempionluq haqqında düşünmürəm. Çünki əvvəlcədən bu barədə düşünmək insanda əlavə gərginlik yaradır".
Qeyd edək ki, Avropa çempionatında Azərbaycanı Ülviyyə Fətəliyeva, Günay Məmmədzadə, Gövhər Beydullayeva, Gülnar Məmmədova, Ayan Allahverdiyeva, Türkan Məmmədyarova, Səbinə İbrahimova, Zeynəb Məmmədyarova, Məryəm Ağaverdiyeva, Mələk İsmayıl, Lalə Hüseynova və Nərmin Abdinova təmsil edəcəklər. Mayın 24-də start götürəcək və iyunun 6-dək davam edəcək yarış 11 turdan ibarət olacaq. Mükafat fondu 60 min avrodur.
