İdman.biz
Azərbaycan cüdo üzrə 73 kq çəkidə iki olimpiya çempionu olan yeganə ölkədir.
İdman.biz xəbər verir ki, bu, Paris-2024-ün üçüncü yarış günündən sonra rəsmiləşib.
Bütün rəqiblərinə qalib gələn Hidayət Heydərov fəxri kürsünün ən yüksək pilləsinə qalxıb. O, 16 il əvvəl Pekində eyni uğura imza atan Elnur Məmmədlinin nailiyyətini təkrarlayıb.
73 kq çəki dərəcəsi Sidney-2000-dən tətbiq olunur. Həmin vaxtadək yüngül çəki fərqli – 71 kq sayılırdı.
Avstraliyadan başlayaraq 7 Olimpiadada 73 kq çəkidə mübarizə olub. Yalnız Yaponiya Azərbaycan kimi iki qızıla sevinib. Lakin "Gündoğar ölkə"nin hər iki uğuruna eyni idmançı – Şohei Ono imza atıb.
Azərbaycan isə iki fərqli cüdoçusu çempion olmaqla hamını qabaqlayır. Bu rəqəm hətta 3 də ola bilərdi. Şohei Ono Rio-2016-da finalda məhz həmyerlimizi üstələyib. Həmin vaxt Rüstəm Orucov gümüşlə kifayətlənib.
73 kq çəkidə olimpiya çempionları
Sidney-2000: Cüzeppe Maddaloni (İtaliya)
Afina-2004: Li Von-Hi (Cənubi Koreya)
Pekin-2008: Elnur Məmmədli (Azərbaycan)
London-2012: Mansur İsayev (Rusiya
Rio-2016: Şohei Ono (Yaponiya)
Tokio-2020: Şohei Ono (Yaponiya)
Paris-2024: Hidayət Heydərov (Azərbaycan)
Vüqar Xeyrullayev
İdman.biz
