Lent.az
Mövsümün sonunda "Mançester Siti"dən ayrılacağı gözlənilən İlkay Gündoğan yenidən "Qalatasaray"ın gündəminə gəlib. İngilislər sarı-qırmızılıların təklifini açıqlayıb.
Superliqada və Avropada yoluna inamla davam edən "Qalatasaray" heyəti gücləndirmək üçün hərəkətə keçib.
Lent.az bildirir ki, "The Sun"dakı xəbərə görə, mövsümün sonunda "Mançester Siti"dən ayrılacağı gözlənilən İlkay Gündoğan "Qalatasaray"ın gündəminə gəlib.
İngilislər sarı-qırmızılı komandanın türk əsilli alman futbolçuya etdiyi təklifi açıqlayıb.
Xəbərdə "Qalatasaray"ın ulduz futbolçuya 5 milyon avro qarşılığında 2 illik müqavilə təklif etdiyi bildirilib.
Digər tərəfdən, ingilis nəhənginin müqaviləsini yeniləmək fikrində olmadığı İlkay Gündoğanı texniki heyətə qatmaq təklifi ilə çıxış edəcəyi bildirilir.
Ona edilən bu təklifləri dəyərləndirən yarımmüdafiəçi gələcəyi ilə bağlı hələ qərar verməyib.
34 yaşlı yarımmüdafiəçi bu mövsüm "Mançester Siti"nin heyətində 26 oyuna çıxıb, 2 qol vurub və 1 məhsuldar ötürmə edib.
