İdman.biz
Paris-2024 Yay Olimpiya Oyunlarının akademik avarçəkmə yarışları davam edir.
İdman.biz xəbər verir ki, sabah keçiriləcək yarımfinal mərhələsinin qruplarının tərkibi bəlli olub.
Mərhələyə Bakı vaxtı ilə saat 12:24-də start veriləcək. Azərbaycan avarçəkəni Diana Dımçenko artıq medal şansını itirənlərin iştirakı ilə baş tutacaq C/D yarımfinalında mübarizə aparacaq.
O, ikinci qrupda 4-cü zolaqda avar çəkəcək. İdmançımızın rəqibləri Ti Hue Pam (Vyetnam), Adriana Sanquineti (Peru), Payge Badenhorst (CAR), Keniya Leçuqa Alanis (Meksika) və Elis Özbay (Türkiyə) olacaq. İlk üç yerin sahibi C, digərləri D finalında iştirak edəcək.
Qeyd edək ki, final mərhələsinin qrupları avqustun 2-3-də mübarizə aparacaq.
İdman.biz
