İdman.biz
Paris-2024 Yay Olimpiya Oyunlarının akademik avarçəkmə yarışları davam edir.
İdman.biz xəbər verir ki, Azərbaycan idmançısı Diana Dımçenko bu gün növbəti sınağına çıxacaq.
Qadınların 2000 m fərdi yarışında çıxış edən təmsilçimiz 1/4 final mərhələsində qüvvəsini sınayacaq. Mərhələyə Bakı vaxtı ilə saat 11:30-da start veriləcək.
Diana 3-cü qrupda yarışacaq. O, birinci zolaqda avar çəkəcək. Təmsilçimizin "altılıq"dakı rəqibləri Aureliya-Maksima Katarina Yanzen (İsveçrə), Emma Tviq (Yeni Zelandiya), Virciniya Dias Rivas (İspaniya), Yovana Arsiç (Serbiya) və Coani Delqado (Filippin) olacaq.
İlk üç yerin sahibi A/B yarımfinalına adlayacaq. Digər üç olimpiyaçı C/D yarımfinalına qatılacaq.
Qeyd edək ki, A/B yarımfinalları avqustun 1-də, C/D yarımfinalları iyulun 31-də keçiriləcək.
İdman.biz
