İdman.biz
Paris-2024 Yay Olimpiya Oyunlarının boks yarışları davam edir.
İdman.biz xəbər verir ki, bu gün Azərbaycan millisinin daha bir boksçusu yarışa start verib.
Yığmamızın açılış mərasimindəki bayraqdarı Məhəmməd Abdullayev +92 kq çəkidə ilk döyüşünü keçirib. O, 1/8 finalda Nelvi Tiafak (Almaniya) ilə qarşılaşıb. Rəqibinə 0:5 (30:27, 29:28, 29:28, 30:27, 29:28) hesabı ilə uduzan Abdullayev Olimpiadada çıxışını başa vurub.
Qeyd edək ki, boks yığmamız Paris-2024-ə beş idmançı ilə yollanıb. Alfonso Dominqes artıq 1/4 finala adlayıb, üç boksçumuz ilk döyüşünü gözləyir.
İdman.biz
