Report.az
Bu oyun və qalibiyyət bizim üçün çox vacib idi.
"Report" xəbər verir ki, bunu "Neftçi"nin baş məşqçisi Omid Movahed Nejat "Sabah"a 71:66 hesabı ilə qalib gəldikləri Azərbaycan Basketbol Liqasının VII turunun matçı ilə bağlı klubun mətbuat xidmətinə açıqlamasında deyib.
Mütəxəssis görüşə çox yaxşı hazırlaşdıqlarını bildirib:
"Qələbə qazanmaq və uğurlarımıza qayıtmaq lazım idi. Meydandakı hər kəs yaxşı oynadı. Müdafiəmiz daha gözəl oyun nümayiş etdirdi. Əsas məqsədimiz belə davam etməkdir. İndi ancaq NTD ilə oyunu düşünürük və qələbə qazanmağı qarşımıza hədəf qoymuşuq".
