İdman.biz
Avropa çempionatında ilk xalını qazanan Gürcüstan yığmasında çexlərin qapısına vurulan qolun müəllifi Georgi Mikautadze adını yarışın tarixinə yazdırıb.
İdman.biz xəbər verir ki, Mikautadze komandasının ilk iki oyununun hər birində qol vuraraq uelsli Qaret Beylin nəticəsini təkrarlayıb.
Gürcü qolçu bunu Türkiyə və Çexiya ilə matçlarda edib. Uelsli forvard isə 2016-cı ildə slovaklara və ingilislərə qarşı oyunların hərəsində bir qol vurub. Ancaq Beyl həmin il qitə çempionatında debüt edən komandasının Rusiya ilə 3-cü oyununda da fərqlənib. Mikautadze bu tarixi uğuru təkrarlamaq üçün indi Portuqaliya ilə matçda da qol vurmalıdır.
Gürcü futbolçu həm də Avropa çempionatları tarixində yığmasının ilk iki debüt qolunu vuran 6-cı, AVRO-2012-ci ildə İsveçin qapısından iki top keçirən ukraynalı Andrey Şevçenkodan sonra isə bunu edən ilk futbolçu olub.
Qeyd edək ki, Gürcüstan - Çexiya matçı 1:1 hesabı ilə başa çatıb.
İdman.biz
