Lent.az
Mövsümün əvvəlində "Fənərbağça"nı baş məşqçisi olan və bütün dünyada gündəmə gələn Joze Mourinyo üçün İspaniyadan önəmli iddia irəli sürülüb. Portuqaliyalı çalışdırıcı təklifi qiymətləndirmə mərhələsinə qədəm qoyub.
Lent.az Türkiyə KİV-nə istinadla bildirir ki, Avropa Liqasında "Reyncers"in mübarizədən kənarlaşdırdığı, Türkiyə Kubokunda "Qalatasaray"a məğlub olan və Superliqada rəqibi "Qalatasaray"dan geri qalan Joze Mourinyo sarı-lacivərililərin tənqid hədəfinə çevrilib.
Bu nəticələrdən sonra azarkeşlər portuqaliyalı məşqçiyə etiraz edib, prezident Ali Koç isə gələn mövsüm də Mourinyo ilə davam ediləcəyi mesajını verib.
Ali Koç gələn mövsüm Mourinyo ilə davam edəcəklərini bildirsə də, mühüm iddia ortaya atılıb.
"Todo Fichajes"in məlumatına görə, Portuqaliya milli komandası Joze Mourinyonu gündəmə gətirib. CNN və GOAL-ın qiymətləndirməsinə görə, bu addım riskli, lakin strateji hesab edilib.
Portuqaliya Futbol Federasiyası Joze Mourinyonu 2026-cı il dünya çempionatı üçün millinin baş məşqçisi təyin etmək imkanını ciddi şəkildə nəzərdən keçirir. Baş məşqçi Roberto Martinezin işi yetərli hesab edilsə də, federasiya hesab edir ki, Mourinyonun təcrübəsi və xarakteri fərq yarada bilər.
Mourinyo daha əvvəl 2007-ci ildə Portuqaliya millisinin baş məşqçisi olmağı xəyal kimi təsvir edib. 2019-cu ildə karyerasını bitirməzdən əvvəl belə bir vəzifə tutmaq istədiyini bildirib. Daha yaxın zamanda, o, 2024-cü ildə "Real"ı çalışdırarkən fürsət olduğunu açıqlayıb, lakin klubun prezidenti Florentino Peres o vaxt buna imkan verməyib.
Xəbərə görə, Portuqaliya Futbol Federasiyası Mourinyonun "Fənərbaxça" ilə müqaviləsindəki xitam maddəsində göstərilən məbləği belə ödəməyə hazırdır; Bu qərar UEFA Millətlər Liqasının Dördlər finalı mərhələsinin nəticələrindən asılı olacaq.
