Paris-2024 Yay Olimpiya Oyunları davam edir.
İdman.biz xəbər verir ki, açılış mərasimindən sonrakı ilk gündə Olimpiada həyəcanı daha da artacaq.
Bu da təsadüfi deyil. Artıq ilk medalçılar fəxri kürsüyə qalxacaq.
Bu gün 14 dəst mükafat bəlli olacaq. Suyatullanma, üzgüçülük, şose velosipedi, qılıncoynatma, atıcılıq, skeytbord, reqbi-7 və cüdoda ilk çempionların adları bilinəcək.
Futbol və həndbol yarışları davam edəcək. Bu növlərdən başqa, su polosu, badminton, basketbol, boks, atçılıq, kanoe-slalom, otüstü hokkey, idman gimnastikası, avarçəkmə, serfinq, stolüstü tennis, tennis, voleybol və çimərlik voleybolunda mübarizəyə start veriləcək.
Azərbaycan yığmasının 5 idmançısı Olimpiadanın ilk günündə iştirak edəcək. Onlardan ikisi – cüdoçular Balabəy Ağayevlə Leyla Əliyeva günü medalla başa vurmaq üçün mübarizə aparacaq. Güllə atıcısı Ruslan Lunyov və avarçəkən Diana Dımçenko təsnifat mərhələsində yarışacaq. Badmintonçumuz Keişa Fatimə Zəhra qrup mərhələsinə start verəcək.
27 iyul
10:30. Badminton, qadınlar
Qrup mərhələsi, N qrupu
Keişa Fatimə Zəhra - Bing Jiao He (Çin)
12:00. Cüdo, qadınlar
1/16 final
Leyla Əliyeva - Xalimojon Kurbonova (Özbəkistan)
12:00. Cüdo, kişilər
1/8 final
Balabəy Ağayev - Simon Zulu (Zambiya)/Von Jin Kim (Cənubi Koreya) cütünün qalibi
12:30. Güllə atıcılığı, kişilər, pnevmatik tapança, 10m
Təsnifat mərhələsi
Ruslan Lunyov
13:00. Akademik avarçəkmə, qadınlar, 2000 m, fərdi
Təsnifat mərhələsi
Diana Dımçenko
Qeyd edək ki, Azərbaycan millisi avqustun 11-dək davam edəcək Paris-2024-də 48 idmançı ilə təmsil olunacaq.
İdman.biz