Sport24.az
İkiqat olimpiya çempionu İlqar Məmmədov yenidən Rusiya Qılıncoynatma Federasiyasının prezidenti seçilib. Sport24.az xəbər verir ki, bu barədə TASS məlumat yayıb.
Azərbaycanlı 59 yaşlı funksioner seçkilərdə yeganə namizəd olub və konfransın 58 nümayəndəsi onun lehinə səs verib.
Qeyd edək ki, İlqar Məmmədov Seul-1988 və Atalanta-1996 Yay Olimpiya Oyunlarında qızıl medal qazanıb. Veteran rapiraçı 2012-ci ildən Rusiya millisinin baş məşqçisi idi. Məmmədov hazırda Azərbaycan Qılıncoynatma Federasiyasında məsləhətçi vəzifəsində çalışan Yaşar Məmmədovun oğludur.
