Idman.biz
Bakıdakı turnir çərçivəsində yüngül çəkidə Rafael Fiziyev və İqnasio Bahamondes arasında keçiriləcək döyüş UFC-nin proqramına əlavə edilib.
İdman.biz xəbər verir ki, dünyanın ən güclü liqası Azərbaycan və Çili döyüşçüləri arasındakı qarşılaşmanı rəsmən açıqlayıb.
32 yaşlı Fiziyev son üç döyüşündə məğlub olub. O, hakimlərin qərarı ilə Castin Qetjiyə, sonra dizindən zədə alaraq Mateuş Qamrota, nəhayət revanş görüşündə yenə yekdil qərarla həmin Qetjiyə uduzub.
Bahamondes isə martda Caelin Törneri ilk raundda qol üçbucağı ilə boğaraq ardıcıl üçüncü qələbəsini qazanıb. Bundan əvvəl, 27 yaşlı çilili Kristos Giaqos və Manul Torresi nokaut edib.
Qeyd edək ki, Bakıdakı UFC turniri iyunun 21-də keçiriləcək.
İdman.biz
