Lent.az
Səudiyyə Ərəbistanının "Əl Əhli" futbol klubu bu yay "Real Madrid"in braziliyalı hücumçusu Vinisius Juniorla maraqlanır.
Lent.az xarici mediaya istinadla bildirir ki, ərəb klubunun rəhbərliyi Vinisiusu cari mövsümün sonunda imzalamaq üçün əsas hədəf hesab edir və onun üçün 296 milyon funt sterlinq (təxminən 350 milyon avro) təklif etməyə hazırdır.
Xatırladaq ki, Vinisius "Los Blancos"un heyətinə 2018-ci ilin iyulunda qoşulub. Futbolçunun klubla hazırkı müqaviləsi 2027-ci ilin iyunun sonuna kimidir. Bu mövsüm futbolçu 26 oyunda iştirak edib, 16 qol vurub və 10 məhsuldar ötürmə edib. Transfermarkt portalına görə futbolçunun transfer dəyəri 200 milyon avrodur.
