Lent.az
"Yuventus"un baş məşqçisi Tiaqo Motta Turin klubunun 24 yaşlı sol cinah müdafiəçisi Andrea Kambiasonun "Mançester Siti"yə mümkün gedişi haqda danışıb.
Lent.az xəbər verir ki, daha əvvəl İngiltərə klubunun futbolçunun transferi üçün "Yuventus"a 70 milyon avro təklif edə biləcəyi bildirilib.
– Kambiasonu itirmək sizin üçün nə qədər kədərli olardı?
– Transferlər haqqında danışmağı sevmirəm və əlavə edəcəyim heç nə yoxdur. Kambiaso yerindədir və şənbə günü meydanda olacaq, bu, dəqiqdir.
– Klub rəhbərliyindən heç kimi satmamağı xahiş etmisiniz?
– Bəli, bəzi futbolçuları satmamağı xahiş etdim. Və onları satdılar (gülür).
Qeyd edək ki, bundan əvvəl məlum olub ki, ingilis nəhəngi Kambiasonu 70 milyon avroya alsa, 24 yaşlı oyunçu PSJ-nin də 68 milyon avro ödədiyi Açraf Hakimi qabaqlayaraq, dünyanın ən bahalı müdafiəçisi olacaq.
