Lent.az
Belçika millisinə yeni baş məşqçi təyin olunub.
Lent.az xarici KİV-ə istinadla bildirir ki, o, əvvəllər "Napoli", "Əl-Nəsr", "Lion", "Marsel", "Roma" və "Lill"I idarə edən Rudi Qarsiyadır.
Xatırladaq ki, Belçikaya daha əvvəl Moskva "Spartak"ının sabiq çalışdırıcısı Domeniko Tedesko rəhbərlik edib. Onun rəhbərliyi altında komanda 2024-cü il Avropa çempionatında 1/8 finala yüksəlib və Millətlər Liqasının qrupunda üçüncü yeri tutub. Son səkkiz qarşılaşmada belçikalılar yalnız bir qələbə qazanıb.
Qeyd edək ki, Rudi Qarsiya "Napoli"dən ayrıldığı 2023-cü ilin yayından işsiz idi. Belçika hazırda altı oyundan dörd xalla UEFA Millətlər Liqasının qrupunda üçüncüdür.
