Idman.biz
Azərbaycanda start verilən "Bakı-Xankəndi" beynəlxalq veloyürüşünün ikinci mərhələsinin qalibləri müəyyənləşib.
İdman.Biz xəbər verir ki, "Sea Breeze"dən start götürən ikinci etapın qalibi qazaxıstanlı idmançı Yevgeniy Fedorov olub. İkinci yeri isə isveçrəli idmançı Aleksandre Balmer tutub.
İdmançılar yürüş zamanı Şamaxıdan keçiblər və İsmayıllıya qədər 193,3 km məsafə qət ediblər.
Qeyd edək ki, yarışın ilk mərhələsində Çinin "Li-Ninq Star" komandasının belaruslu üzvü Aleksey Şnirko finiş xəttini birinci keçib.
Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda iştirak edir. Beş mərhələdən ibarət turnirin mükafat fondu 50 min avrodan çoxdur. Yarışa mayın 14-də yekun vurulacaq.
Turnirin final mərhələsi Xankəndi şəhərində təşkil olunacaq.
08:36
Bu gün "Bakı-Xankəndi" Azərbaycan velosiped yarışının ikinci mərhələsinə start verilib.
İdman.Biz xəbər verir ki, ikinci etapda velosipedçilər "Sea Breeze"dən start götürərək Şamaxıdan keçəcək və İsmayıllıya qədər 193,3 km məsafə qət edəcəklər.
İkinci yarış günü daha çətin profili ilə seçilməklə, 3 dağ yoxuşu və 2 sprint təsnifatını özündə birləşdirir.
Qeyd edək ki, yarışın ilk mərhələsində Çinin "Li-Ninq Star" komandasının belaruslu üzvü Aleksey Şnirko finiş xəttini birinci keçib.
Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda iştirak edir. Beş mərhələdən ibarət turnirin mükafat fondu 50 min avrodan çoxdur. Yarışa mayın 14-də yekun vurulacaq.
Turnirin final mərhələsi Xankəndi şəhərində təşkil olunacaq.
Xatırladaq ki, yarışın əsas məqsədi Azərbaycanda velosiped idmanının inkişafına töhfə vermək, ölkənin beynəlxalq idman tədbirlərinə uğurla ev sahibliyi etdiyini nümayiş etdirmək, həmçinin işğaldan azad edilmiş ərazilərə diqqəti artırmaqdır.
Araz Xəlilli
