Report.az
"Los-Anceles Leykers" klubunun basketbolçusu Lebron Ceyms "Boston Seltiks"lə oyunda 20 xal toplayaraq NBA tarixində yeni rekord müəyyənləşdirib.
"Report" yarışın rəsmi saytına istinadən xəbər verir ki, o, NBA-nın müntəzəm çempionatlarında 43 000 (43 008) xal yığan ilk oyunçu kimi tarixə düşüb.
Pley-off mərhələsi də daxil olmaqla, basketbolçunun hesabında ümumilikdə 51 297 xal var.
Qeyd edək ki, fevralın 23-nə keçən gecə baş tutan qarşılaşmada "Los-Anceles Leykers" "Boston Seltiks"ə 89:111 hesabı ilə uduzub.
