Sport24.az
Beynəlxalq dərəcəli azərbaycanlı hakim Zaur Hacıyev kişi voleybolçular arasında Avropa Gümüş Liqasına təyinat alıb. Sport24.az xəbər verir ki, həmyerlimiz 2 qarşılaşmada iş başında olacaq.
O, Avstriyanın Amstetten şəhərində baş tutacaq III mərhələnin 5-ci oyununda Lüksemburq – Gürcüstan matçında ikinci hakim funksiyasını yerinə yetirəcək.
Hacıyev Avropa Gümüş Liqasında əsas mərhələnin sonuncu – Gürcüstan – Farer adaları görüşündə isə əsas referi olacaq.
Görüşlər müvafiq olaraq, iyunun 27-də və 29-da baş tutacaq.
Qeyd edək ki, Avropa Gümüş Liqasında Azərbaycan millisi oyunlarını başa vurub. Komandamız 6 oyundan 6 xal toplayıb. Yığmamızın yarışda tutacağı yer III mərhələnin yekununa əsasən dəqiqləşəcək.
