Idman.biz
Qadın şahmatçılardan ibarət Azərbaycan millisi noyabrın 18–23-də İspaniyanın Linares şəhərində keçiriləcək dünya çempionatına vəsiqə uğrunda qarşılaşmada Özbəkistana məğlub olub.
İdman.Biz xəbər verir ki, yığmanın heyətində Gülnar Məmmədova, Gövhər Beydullayeva, Günay Məmmədzadə, Xanım Balacayeva və Ülviyyə Fətəliyeva çıxış ediblər.
Üçüncü turda komandamız 3:1 hesabı ilə qələbə qazansa da, dördüncü qarşılaşma heç-heçə başa çatıb. Ümumi nəticəyə görə, Özbəkistan üstün olub. 2,5:1,5 hesabı ilə (oyunlarda 8,5:7,5) qalib gələn rəqib dünya çempionatına yeganə vəsiqəni əldə edib.
Özbəkistan millisi hələ dünən keçirdiyi iki start turunun hər ikisində qalib gəlmişdi və bu, yekun uğurda həlledici rol oynayıb.
Qeyd edək ki, dünya çempionatında İspaniya, Gürcüstan, Fransa, Qazaxıstan, ABŞ, Çin, Ukrayna, Peru, Misir, Hindistan və FIDE komandası iştirak edəcək.
