Sport24.az
Növbəti mövsüm üçün heyətini gücləndirməyə çalışan "Kəpəz"in düşərgəsinə yeni futbolçu təşrif buyurub. Bu barədə Sport24.az-a "Kəpəz"in Media və Marketinq Departamentinin direktoru Gəray Qiyasov məlumat verib.
Kiyev "Dinamo"sunun sabiq futbolçusu Olabiran Blessinq Muyiva (Benito) "sarı-göylər"lə müqavilə bağlayıb.
27 yaşlı futbolçu son olaraq Kiprin "Akritas Xlorakas" klubunda çıxış edib.
Qeyd edək ki, "Kəpəz" mövsümlərarası fasilədə Vadim Abdullayev ("Karvan-Yevlax"), Rojerio Santos ("İroni Tiberias", İsrail), Azuma Abubakar ("Lustenau", Avstriya), Urfan Abbasov ("Araz-Naxçıvan"), Kennet Kalunqa ("Mingəçevir") və Viktor Stina ("Zimbru", Moldova) ilə sözləşmə imzalayıb.
