Idman.biz
İtaliyanın Kaorle şəhərində güləş üzrə U-15 Avropa çempionatı davam edir.
İdman.biz xəbər verir ki, bu gün qadın güləşçiləri mübarizəyə qoşulublar.
İdmançılarımızdan yalnız biri finala yüksələ bilib.
Qadın güləşi
33 kq
Ülviyyə Musayeva rumıniyalı Mariya Bianca Pavelə 8:2 hesabıyla qalib gəlsə də, 1/4 finalda rumıniyalı Yoana Qavrilaya 0:10 hesabıyla məğlub olub.
36 kq
Gülay Xasməmmədova ilk görüşdə rumıniyalı Ariana Harsana 15:8 hesabıyla qalib gəlib. O, 1/4 finalda türkiyəli Şirin Askaraya "tuş"la uduzub.
39 kq
Leyla Əsgərova macarıstanlı Eliza Bodiyə "tuş"la qalib gələrək yarımfinala yüksəlib. Ancaq finalın bir addımlığında rusiyalı Darya Maslennikovaya (UWW) 3:8 hesabıyla məğlub olub və sabah bürünc medal uğrunda güləşəcək.
42 kq
Yağmur Məlikli 1/8 finalda belaruslu Anastasiya Niakliayevaya (UWW) və onunla eyni çəkidə çıxış edən Gülnar Ağadadaşova həmin mərhələdə ukraynalı İvanna Maydanskaya "tuş"la uduzublar. Gülnar sabah təsəlliverici görüşə çıxacaq.
46 kq
Nuray Cəfərli polşalı Karolina Qvodza 6:0 hesabıya qalib gəlsə də, 1/8 finalda rusiyalı İlona Xaqarovaya (UWW) 0:10 hesabıyla məğlub olub.
Bu çəkidəki digər təmsilçimiz Məryəm Hacıyeva isə 1/8 finalda macarıstanlı Yanka Silleyə 0:10 hesabıyla uduzub. Məryəm sabah təsəlliverici görüşə çıxacaq.
50 kq
Günel Kərimli təsnifat mərhələsində rusiyalı Varvara Remezovaya (UWW) 2:8 hesabıyla məğlub oldu. Aişə Cabbarova isə 1/8 finalda latviyalı Anastasiya Yakovlevaya "tuş"la məğlub oldu. Hər iki güləşçimiz sabah təsəlliverici görüşə çıxacaq.
54 kq
Məryəm Əmrəli türkiyəli Asya Cintasa 9:2, makedoniyalı Tea Donevaya isə tam üstünlüklə (11:0) qalib gələrək 1/4 finala vəsiqə qazanıb. Ancaq bu mərhələdə ukraynalı Yuliya Holhovskaya 2:10 hesabıyla uduzan Məryəm sabah təsəlliverici görüşə çıxacaq.
58 kq
İnci Abdullayeva təsnifat mərhələsində gürcüstanlı Ana Tsereteliyə "tuş"la məğlub olub.
62 kq
Rəna Nuriyeva serbiyalı Nikoleta Saboya tam üstünlüklə (11:0) qalib gəlsə də, 1/4 finalda latviyalı Darya Markovaya 1:10 hesabıyla məğlub olub. Rəna sabah təsəlliverici görüşə çıxacaq.
66 kq
Simurə Abdullayeva bolqarıstanlı Veronika Stoilovaya 7:6 və polşalı Karolina Loianixə 8:2 hesabları ilə, serbiyalı Fani Sosa isə tam üstünlüklə (10:0) qalib gələrək finala yüksəlib. Həmyerlimiz finalda rusiyalı Amira Mironskaya (UWW) ilə qarşılaşacaq.
İdman.biz
